Gereedskap in die kombuis

Gereedskap in die kombuis

Kennis van jou gereedskap in die kombuis is baie belangrik. Dit help nie jy het al die gereedskap stukke wat daar tans op die mark is en jy weet nie hoe een van dit werk nie. ‘n Kok se gereedskap is soos wapens vir ’n soldaat. Dink daaraan. Jy gaan tog nie oorlog toe sonder om ’n wapen saam te neem nie, maar dit is ook belangrik dat jy sal weet hoe jou “wapen” werk.

Eerstens gaan ons bietjie kyk na die belangrike punte om na te kyk wanneer jy nuwe gereedskap aankoop. Daar is ’n paar punte wat jou lewe net so bietjie sal vergemaklik.

-          Weet wat die doel en funksie van die gereedskap is en of dit regtig gaan sy doel dien in jou kombuis.

-          Kies eenvoudige vorms wat maklik gewas en skoon gehou kan word.

-          Kies bakke, kastrolle, bekers, potte en panne sonder nate. Dit sal help dat daar nie onnodig gesukkel sal word om dit skoon te maak nie.

-           Mengbakke wat nouer afloop na onder maak dit moontlik om minder bakke te hê wat die wêreld vol staan, en so kan jy die bakke ook gebruik vir kleiner hoeveelhede sonder vermorsing.

-          Dit is belangrik dat gereedskap van draad goed gelas sal wees, en dat die handvatsels stewig sal wees.

-          Messe moet stewige hewwe hê vir maklike hantering, en hewwe moet behoorlik aan die lemme geheg wees sodat enige beserings voorkom sal word.

-          Kyk vir gereedskap wat meer as een doel dien wat dit moontlik maak om met minder gereedskap oor die weg te kom.

Nou dat ons weet wat dit is om voor te kyk, of so bietjie oor na te dink voordat jy gereedskap koop, kan ons so bietjie gaan kyk na die verskillende items wat die lewe sal vergemaklik vir jou.

1.      ­Oonde

Daar is ’n hele paar soorte oonde op die mark, elk met sy eie unieke doel. Ons gaan so bietjie kyk na die verskillende soorte en wat die funksie van elkeen is.

 

·         Konvensionele oonde

Die temperatuur binne die oond kamer word termostaties beheer en die brander aan die bokant van die oond kan verstel word om lae of hoe hitte te verskaf. Die konvensionele oond het baie gebruike soos bak, braai, stowe, diepbraai en smoor.

 

Die oonde werk gewoonlik met gas en dit is belangrik dat die nodige veiligheidsmaatreëls in plek sal wees wanneer daar gas lekkasies is en dat die gas toevoere behoorlik werk.

 

·         Konveksie oonde

Konveksie oonde werk met ’n waaier binne die kookkamer van die oond wat warm lug gelyk sirkuleer wat lei to vinniger kook tye. Die tipe oonde is goed vir braai en bak weens hul akkuraatheid en die gelyke verspreiding van temperatuur.

 

·         Mikrogolfoonde

Die mikrogolf oonde is beslis een van die waardevolste uitvindsels van die twintigste eeu. Dit maak eenvoudig net die lewe soveel vinniger en makliker.

 

Krag word na die magnetron in die oond gevoer wat dan omgeskakel word in mikrogolwe wat die kos binnedring en die watermolekules in die kos teen so geweldige hoë spoed vibreer dat dit hitte veroorsaak wat die kos dan baie vinnig gaarmaak. Mikrogolwe wek nie radioaktiwiteit in die  kos op soos mense voor bang was toe die oonde eers hul verskyning gemaak het nie.

 

Een van die nadele van ’n mikrogolfoond is dat mense nie altyd seker is hoe om behoorlik daarmee te werk nie. Dit gebeur soms dat kos vir te lang periodes in die mikrogolfoond geplaas word wat dan baie taai onsmaaklike kos tot gevolg het.

 

 Dit is ook belangrik om nooit metaal soos aluminium, porselein met metaal versierings soos silwer of goud in jou mikrogolf oond te gebruik nie.  Die metale weerkaats die mikrogolwe terug en sal ontploffings veroorsaak wat dan die magnetron kan beskadig.

 

2.      Diepbraaier

Die diepbraaier is sekerlik een van die gevaarlikste toestelle wat jy kan gebruik in die kombuis. Jy werk met warm olie wat gebruik word om kos gaar te maak en wanneer jy nie versigtig is nie kan die olie op spat en lelike beserings veroorsaak. Moet dus nooit kos van hoe hoogtes in die olie laat val en so veroorsaak dat dit spat nie, en bly asseblief weg met waterdruppels van die olie af.

 

Die diepbraaier het ’n houer waarin olie tot baie hoë temperature verhit word (tot 200 ̊C) waarin kos dan binne die olie geplaas word om gaar te raak. Diepbraaiers beskik oor ’n termostatiese meganisme wat verhoed dat olie oorverhit en aan die brandslaan.

 

3.      Yskas

Die yskas is nog een van die toestelle waarsonder ons vandag nie kan klaarkom nie. Die belangrikste doel van die yskas is om kos koud en in goeie kondisie te hou. Normaalweg behoort die yskas te funksioneer tussen 1 ̊C en 5 ̊C, wat die gewenste temperatuur is om nie kos te vries nie, maar dan ook te verhoed dat bakterieë sal groei en so die kos sal bederf en laat sleg word.

 

Dit is goeie praktyk dat jy verskillende kosse sal stoor in die yskas on nie in aanraking te kom met mekaar en so mekaar kan bederf nie. Byvoorbeeld hoender wat ontvries in aanraking te bring met groente nie.

 

4.      Skale

Skale word gebruik om bestanddele korrek af te meet.

 

5.      Maatbeker

Maatbekers word gebruik vir die korrekte afmeet van vloeistowwe.

 

6.      Meetlepels

Meetlepels is belangrik vir die afmeet van bestanddele. Dit word gewoonlik aangekoop in stelle, en die mees algemeenste is 2.5 ml, 5 ml (1 teelepel), 15 ml (1 eetlepel), 60 ml (4 eetlepels), 80 ml (⅓ koppie), 125 ml (½ koppie) en 250 ml (1 koppie). 

 

7.      Versapper

Die versapper word gebruik om kos tot ’n vloeistof te meng. Dit kom nogal handig te pas by die maak van souse en soppe.

 

8.      Menger (“Blender”)

Die menger werk baie dieselfde as die versapper maar het ’n paar ekstra funksies en is gewoonlik ’n bietjie groter

 

9.      Stok menger (“Stick Blender”)

Die stok menger is die kleiner en ook sekerlik die jonger moetie van die gewone staan menger. Dit maak sommige take ’n klein bietjie makliker deur sekere geregte sommer in die pot te vermeng.

 

10.  Klitsers

Klitsers kom voor in geweldig baie vorme en dit is belangrik dat jy die soort sal kies wat die heel beste vir jou behoeftes gaan werk. Die heel belangrikste gebruike van klitsers is om eiers of room te klits of selfs deeg te meng of die beslag van koeke en terte.

 

11.  Deegroller

Gebruik vir die uitrol van deeg

 

12.  Draadklitser (“Whisk”)

’n Draadklitser is ’n handige item om te hê vir die klits van eiers of die klop van room. Dit is ontwerp om lug toe te voeg en vloeistowwe en beslae te meng.

 

13.  Afkoelrakkies

Draadrakkies gebruik vir die afkoel van koeke, muffins, brood of ander gebakte items.

 

14.  Bakke

Bakke kom in baie verskillende vorms en groottes en word aangewend vir ’n verskeidenheid van take. Een van die belangrikste redes vir bakke is om bestanddele in te meng.

 

15.  Groenteplanke

Groente planke van verskillende groottes word gebruik vir die verwerking van groente en om op te werk. Dit dien dus as beskermer ook vir jou kombuiskaste of tafels

 

16.  Potte en panne

 

·         Potte

’n Goeie stel potte is altyd ’n wenner in jou kombuis omdat hulle soos jou beste vriend word. Potte maak deel van jou daaglikse bestaan uit en wanneer dit nie goeie kwaliteit is nie kan dit jou grootste vyand word.

·         Souspan

Sous panne kom in ’n verskeidenheid vorme, en kan gemaak maak wees van ’n verskeidenheid soorte metale soos vlekvrye staal, koper ens.

·         Braaipan

Die braaipan is ontwerp om die braai lyntjies te verskaf omdat dit ontwerp is met verhewe lyntjies wat dan in aanraking met die kos kom. Verder is dit met ’n nie kleefbare afwerking afgewerk sodat jou kos nie sal vasbrand nie.

·         Sauté pan

Sauté is slegs ’n vorm van braai en word dikwels aangewend vir die bereiding van stukkie vleis of hoender.

·         Wok

Die Wok word gewoonlik geassosieer met Oosterse kookkuns, en glo my maak die wêreld se verskil wanneer jy bestanddele begin meng. Die metaal van die Wok is gewoonlik baie dun en verhit vinnig.

·         Koekpanne (koekvorms) en broodpanne

Vandag kry ons ook koekpanne of vorms wat gemaak is van silikoon. Dit maak die lewe heelwat makliker omdat koeke of selfs brode (wanneer ’n broodpan gebruik word) nie meer vassit soos in die verlede nie.

Koekpanne of broodpanne word soos die naam aandui gebruik wanneer brood of koek gebak word.

 

17.  Siwwe

Siwwe is ontwerp vir verskillende gebruike naamlik vir die sif van droë on nat bestanddele. In die geval van droë bestanddele is dit om alle ongewenste items te verwyder en slegs die baie fyn deeltjie deur te laat, en in die geval van vloeistowwe, vir die verwydering van geurmiddels wat gebruik is om die kos mee te geur maar wat jy nie wil gebruik wanneer jy dit opdien nie.

 

18.  Vergiettes (“Colander”)

’n Vergiettes dien baie dieselfde doel as ’n sif, maar slegs met die verskil dat dit heelwat groter gaatjies het. Dit sal gewoonlik gebruik word wanneer pasta gemaak word of groente gekook word om die water te laat afdroog.

 

19.  Voedselverwerker

Voedselverwerkers is nog een van daardie gereedskap items wat gebruik word om tyd heelwat te bespaar. Dit kom gewoonlik met ’n hele aantal aanhegsels en word gebruik om te kerf, sny en rasper.

 

20.  Meule

‘n Meul word gebruik om die kos wat deur die klein holtes geforseer word in ’n gemaalde vorm aan die ander kant te kry. Dit word gebruik dikwels by die verwerking van vis, hoender en vleis.

 

 

 

21.  Rasper 

Gebruik om kos te rasper. Hul kom gewoonlik met verskillende opsies wat dan ook die grote van die eindproduk sal bepaal en die gevolg sal hê van hoe grof of fyn jy dan jou eindproduk wil hê.

 

22.  Skiller

Skillers word gebruik om die buitenste skil van harde groente en vrugte te verwyder.

 

23.  Blikoopmaker

Blikoopmakers kom in verskillende vorme en word gebruik vir die oopmaak van metaal blikkies. Wees versigtig omdat sommige van hulle nie ’n gladde afwerking laat nie en dit kan lei tot beserings.

 

24.  Kombuisskêr

n Sterk kombuisskêr is baie belangrik, omdat dit ingespan word vir die sny van linte to die sny van vis vinne of selfs dun beentjies.

 

25.  Mes skerpmaker (slypstaal of slypsteen)

’n Stomp mes in die kombuis is ’n nagmerrie en om te verseker jou mese en skêr is altyd skerp is dit belangrik om ’n goeie kwaliteit skerpmaker te hê. Jy kan ’n slypsteen of slypstaal gebruik wat ’n lang staal is wat aan ’n handvatsel vas is en gebruik word om messes mee skerp te maak.

 

Maak egter seker dat jy ’n goeie tegniek sal toepas om nie jou lem te beskadig nie.

 

26.  Kurktrekker

Kurktrekkers word gebruik vir die verwydering van kurkproppe van byvoorbeeld wyn en kan jou nogal in ’n penarie laat beland wanneer jy gaste oor nooi en probeer om ’n bottel wyn oop te kry sonder ’n behoorlike kurktrekker

 

27.  Gaatjieslepel

Gebruik vir die verwydering van iets uit vloeistof, maar nie die vloeistof wil uitskep nie, soos byvoorbeeld groente gekook in water.

 

28.  Stel toetspenne

Vir die bakkers onder ons is toetspenne ’n belangrike item. Dit dien om te bepaal of jou gebak reg is of nie. Jy druk eenvoudig die toetspen in die gebak en wanneer dit skoon uitkom weet jy dit is gaar.

29.  Pasta lepel

Die vernaamste gebruik is die verwydering van die pasta uit die water sodat die water agter bly in die pot. Die gereelde pasta makers sal weet dat ’n gewone lepel beslis nie gemaak is vir die doel nie.

 

30.  Eierspane

Eierspane word gebruik vir die uitskep van gebakte eiers of enige iets wat gemaak word in ’n pan en waarvoor jy ’n plat oppervlak nodig het om uit te lig.

 

31.  Tydklokkie

’n Tydklokkie is nog ’n nuttige item om te hê. Nie alle stowe het ingeboude klokkies nie en dit gebeur heel dikwels dat jy iets op die stoof sit en weggevoer deur iets anders net om later weer terug te loop, vas in ’n bondel rook.

 

32.  Saag

‘n Saag sal gewoonlik gebruik word wanneer jy met groot bene werk en dit wil opdeel in kleiner stukke.

 

33.  Messe

Daar bestaan bykans ’n mes vir elke taak in jou kombuis, maar met die paar basiese messe beskikbaar is daar geen rede tot kommer nie en kan jy soos ’n professionele sjef al jou take uitvoer.

·         Skilmes

Die is een van die kleiner messies, maar staan beslis sy skoene vol en is sy gewig in goud werd. Hy word gebruik vir verskillende take soos die skil van vrugte en groente, uie en om die punte aan weerskante van groente of vrugte wat jy nie gebruik nie af te sny.

·         Draaimes

Die draaimes het ’n baie klein gedraaide lem en word meestal gebruik vir aanbieding wanneer kos voorgesit word. Nie ’n noodsaaklikheid in jou kombuis nie, maar as jy iemand is wat hou van tierlantyntjies kan dit jou help.

·         Filet mes

Die mes het ’n medium lengte lem en is buigbaar. Die buigbaarheid van die lem is so ontwerp sodat dit buig wanneer dit teen die been van vis afbeweeg wanneer jy filette sny.

 

 

 

·         Ontbeen mes

Die mes het ’n kort tot medium lengte lem wat gepunt is aan die die voorkant waarvan die lem sterk en stewig is. Die tipe mes is juis so ontwerp om na aan die been te sny en so die vleis weg te sny.

·         Algemene sjefs mes

Die is ’n mes wat gebruik kan word vir verskillende doeleindes en kan help met die voorbereiding van groente, vrugte, vleis, pluimvee en selfs vis. Die mes kan gebruik word in verskeie tegnieke en sal As u dit doelbewus wil beklemtoon druk ctrl+z om u teks terug te kry of druk 1 vir nog en 2 vir steeds op die toetsbord en druk die spasiebalk die toets slaag. Beslis ’n moet in jou kombuis.

·         Paletmes / spatel

Die is sekerlik die enigste tipe mes waarvan die lem nie skerp is nie. Die lem het ’n ronde afwerking waarvan die hoof gebruike die omdraai van kos is wat gebraai word en om iets aan te smeer. Die mes word heel dikwels deur bakers gebruik om koeke te versier.  En het ’n lang buigbare lem. Lemme verskil in lengte van mes to mes en dit is belangrik dat jy sal seker maak jy kies die regte mes vir jou behoeftes.

·         Getande mes

Soos die naam aandui is lem gekartel en word gewoonlik in ’n saag aksie gebruik. Die lem kan nie skerp gemaak word nie, en die hooffunksie is die sny van sekere kosse soos brood, muffins, croissants ens.

·         Vleismes en vurk

Die vleismes het ’n lang, dun, baie skerp lem om die akkurate sny van vleis te verseker.

 

Die vleisvurk en vleismes werk soos ’n familie saam en is ook so ontwerp om mekaar te ondersteun. Die vleisvurk is ’n sterker vurk as gewone vurke en so ontwerp om die vleismes te ondersteun in die sny proses.

·         Kloofmes

Die kloofmes is ’n baie skerp mes wat gebruik word in ’n kap aksie met die sny van bene.

Korrekte hantering van messe

Messe is sekerlik een van die gevaarlikste, maar tog ook belangrikste items in jou kombuis en moet altyd met groot sorg behandel word. Dit is belangrik om te weet wat die doel van elke mes is sodat jy die beste uit daardie mes kan kry.

Verseker ook altyd dat jou messe skerp is. Dit maak ’n groot verskil in die sny proses om nie met ’n stomp mes te sukkel nie.

Messe moet met groot sorg hanteer word om beserings te voorkom. Dit is altyd goed om die lem afwaarts te dra of wanneer jy dit aan iemand oorhandig die lem na jou gerig te hou.

Messe is voortdurend in direkte kontak met jou kos en om te verseker dat dit ten alle tye higiënies is, is dit belangrik om te verseker dat jou messe behoorlik skoongemaak word.

Verstaan die hitte van jou oond

Dit is belangrik dat jy jou oond sal ken en verstaan en sal weet wat die stellings is. Gelukkig vir ons het moderne tegnologie dit moontlik gemaak dat oonde ingeboude termometers het waarvolgens ons die hitte kan stel.

Baie koel Koel Matig koel Matig Matig warm Warm Baie Warm

̊C 100 140 160 180 190 200 – 220 230 - 260

̊F 200 275 325 350 375 400 – 425 450 - 500

Gas Laag 1 2 3 4 5 – 6 7 – 9

 

Nou dat ons weet wat die verskillende tipe gereedskap voor is en dat ons kan sien wat sal ons persoonlik behoeftes pas, is dit makliker om gereedskap spesifiek vir jou aan te koop en nie met ’n klomp onnodige items in jou laai op te eindig wat net alles vol lê nie.

Volgende keer gaan ons bietjie kyk na verskillende tegnieke in die kombuis en hoe om akkurate afmetings te maak, so kry daardie gereedskap skoon en reg vir aksie.

Vriendelike groete

Die Vet Sjef

dievetsjef@gmail.com